Монополияға қарсы орган бәсекелестік үшін жағдайларды қолдау қажеттілігі туралы ҚР Ұлттық Банкіне нұсқама шығарды

Сонымен 2016 жылғы 1 қаңтардан бастап «Көлік құралдары иелерінің азаматтық-құқықтық жауапкершілігін міндетті сақтандыру туралы» ҚР Заңына (АҚЖМС туралы Заң) өзгерістер күшіне енді, оған сәйкес жол-көлік оқиғасы  (ЖКО) жағдайында келтірілген залалды бағалау жөніндегі  функциялар сақтандыру компанияларына  берілді.

Көрсетілген өзгерістер енгізілгенге дейін ЖКО кейінгі  көлік құралдарының  залалын бағалауды бағалаушылар – тәуелсіз сарапшылар, жеке және заңды тұлғалар жүргізді.  

АҚЖМС туралы Заңға өзгерістер енгізгеннен кейін көлік құралына  келтірілген залалды бағалауды Ұттық Банк Басқармасының  2016 жылғы                     28 қаңтардағы қаулысымен қабылданған нормативтік құқықтық актісінің негізінде тікелей сақтандыру ұйымдары жүзеге асырады (көлік құралына келтірілген  залал мөлшерін анықтау қағидасы).

АҚЖМС туралы Заңның қолданыстағы нормалары көлік құралдарының автоиелерінің сақтандыру ұйымының бағалау мөлшеріменкеліспеген жағдайда  ғана бағалаушы ұйымдар – заңды тұлғалардың  өтініш беруін  көздейтіндігін атап өткен жөн.  Бағалаушы –жеке тұлғалардың  қызметі  қолданыстағы заңнамамен жойылды.

Осылайша  ЖКО кейін  көлік құралдарына келтірілген  зиянды  бағалау нарығына  қол жетімділіктің анықталған шектеуі  және   бағалаушы – жеке тұлғаларға қызметті жүзеге асыру мүмкінсіздігі бәсекелестікті дамытуға  шаралар қабылдау қажеттілігі туралы шешім қабылдау үшін негіз болды. Осыған байланысты монополияға қарсы орган Ұлттық Банктің атына  бәсекелестікті қамтамасыз етуге, ЖКО кейін  көлік құралына келтірілген  зиянды бағалау нарығында бәсекелестікті шектейтін  АҚЖМС туралы Заң нормаларына  қажетті өзгерістерді енгізу  бөлігіне бағытталған  іс-қимылдарды жасау туралы нұсқама шығарылды.

Анықтамалық: Ұлттық Банктің   ресми ресурсында  орналастырылған мәліметтер бойынша ЖКО кейін көлік құралына келтірілген зиянды бағалау бойынша аккредиттеуді 319 тәуелсіз сарапшы алды.