Оралда «Ақылды қала» жүйесін енгізуде

«Жайық Жарығы» ЖШС «Ақылды қала» жүйесін қамтамасыз ететін техникалық орналастыруды енгізуде. Жүйе қала аумағындағы электр жарығын реттеуге  мүмкіндік береді. Сондай-ақ көлік кептелісі мен тиімді қозғалысты реттеуге де өз септігін тигізеді. Автоматтандырылған жүйе сыртқы жарықтандырумен жұмыс істейді. Ол барлық қала бойынша электрожіберу жүйесін қамтамасыз етіп отырады», - делінген хабарламада.

Орал Қазақстан бойынша аталмыш жүйені енгізгендердің бірінші қатарында. Оның ерекшелігі апат болған жағдайларды мекен-жайымен жылдам анықтауға мүмкіндік береді. Диспетчерлердің мониторында олардың барлық бағыттары көрініп тұрады. Егер жүйе істен шығып қалатын жағдай болса, арнайы ақпарат беру тетігі жұмыс істейді. Бұл электр мамандарына олқылықты жоюға мүмкіндік береді.

«Ақылды қала» уақыт тәулігіне байланысты жарықтандыру жүйесін реттеуге мүмкіндік береді. «Жайық Жарығы» ЖШС директоры Нұр Тілеуғалиева қазір қаланың шеткі аудандарын жарықтандыру қолға алынып жатқандығын айтты. «Гуарт-системс» ЖШС мердігерінің ақпараты бойынша «Ақылды қала» жүйесінің орнатылуы электр мамандарына істі қадағалауға зор мүмкіндік беріп отыр.