Ж.Махмұдаева: Болашақтықтар шет елде оқу секілді зор мүмкіндікке ие болды

Атырау орта мектебін «Алтын белгімен» бітіріп шыққан Жанар Л.Н.Гумилев атындағы Еуразия Ұлттық университетінде «Ақпараттық жүйе» мамандығы бойынша мемлекеттік грант есебімен білім алу мүмкіндігіне қол жеткізді. ЖОО аяқтағаннан кейін ол магистратура дәрежесі бойынша болашақ бағдарламасымен оқуға түсті.

Жанар Махмұдаева таңдаған магистрлық бағдарламасы – Advanced Computer Science and IT Management (Компьютерлік ғылым мен ақпараттық технологияларды басқару). Манчестер университеті 1824 құрылып, бүгінгі күні Англияның белді оқу ордаларының біріне айналған. Бұл ЖОО қабырғасынан түлеп ұшқан түлектердің кейінен 25-і Нобель сыйлығын иеленген.

«Кітапхананың мол қоры мен лабораториялар еш қиындықсыз білім алуға мүмкіндік береді. Манчестер университетінің кітапханасы елдегі ірі кітапханалардың біріне жатады. Ол тәулік бойы қызмет көрсетеді. Әлі есімде, біз сессия уақытында еденде отырып та сабақ оқи беретінбіз», - деп еске алады болашақтық.

Сонымен қатар, ғылым магистры алғашқы кездері оңай болмағанын да айтады.

«Мен оқуға ешбір тіл үйрену дайындығынсыз кірістім. Мәдени және тілдік қысым оқумен қатарласып жүрді. Бірақ, мен сүйсініп оқыдым», - дейді ол.

«Болашақ» Жанар үшін қандай орын ие деген сұраққа Жанар былай жауап берді:

« «Болашақ» бағдарламасы өз көзқарасын өзгертті. Біріншіден, осындай сыйлық үшін мен мемлекетімізге рахметімді айтамын. Қарапайым отбасыдан шыққан мыңдаған жас азаматтар әлемнің жетекші білім ордаларынан білім алу мүмкіндігіне ие болды. Олар елдің өсіп-өркендеуіне үлесін қосуда. Бұл өз саласының үздік мамандары, олар өз күштерімен елдің дамуына үлестерін қосты. Шетелде білім алу мүмкіндігіне ие болғаным үшін Ел Президентіне алғысымды білдіргім келеді».