Венада қазақстандық кино күндері өтуде

«Қазақфильмнің» хабарлауынша, жобаның негізгі мақсаты Қазақстанның мәдениетін, дәстүрі мен тарихын таныстырып, екі елдің достық қарым-қатынасын нығайту.

Венадағы қазақстандық кино күндері Ермек Тұрсыновтың «Шал» фильмімен ашылды. Басмты рөлді сомдаушы Ерболат Тоғызақов фильмді көрерменге өзі таныстырды. Аталмыш іс-шараға Австрия Республикасындағы Қазақстан Республикасының Төтенше және Өкілетті елшісі Қайрат Сарыбай, Ш.Айманов атындағы «Қазақфильм» АҚ-ң президенті Бақыт Қайырбеков және қазақ диаспорасы қатысты.

Кино күндері аясында Ш.Айманов атындағы «Қазақфильм» АҚ-ы түсірген «Біржан сал», «Жаужүрек мың бала», «Дорога домой», «Сталинге сыйлық» сияқты бірқатар фильмдер көрсетілетін болады.

Барлық фильм веналық орталық кинотеатрлардың бірінде көрсетіледі. Фильмдер қазақ және орыс тілінде, түпнұсқада беріледі,субтитр арқылы ағылшын тілінде көрсетіледі.