Маңғыстауда автмобиль шинасынан жаяу жүргіншілер жолына төсеніштер шығаруда

11 Мамыр, 2016 08:42

Маңғыстау облысында бірінші рет қауіпсіз төсеніштер мен плиткалар шығара бастады. Бұл төсеніштер автомобильдің тозған шиналарынан дайындалады. Әкімдіктің хабарлауынша, «Eco Construction Company» ЖШС «Бизнестің жол картасы - 2020» бизнесті дамыту мен қолдау бағдарламасына қатыса отырып, экологиялық таза бизнес-идеяны іске асырды.

Резиналы төсеніштер, плиткалар мен тігісі жоқ жабындар спорт және балалар алаңшаларына, аттракциондар мен ойын аумақтарына төселетін болады. Бүгінгі таңда жаңа өнімнің 400 шаршы метрі аймақтың үш жеріне төселді. Экологиялық жабынды Мұнайлы ауданындағы шағын зауыт шығарып жатыр. Зауыттың жобалық қуаттылығы жылына 6 мың шаршы метр резина плиткасын шығарады. Аталмыш жоба мемлекеттік қолдаудың арқасында жүзеге асып отыр.

«Біз бұл жабындарды автомобиль доңғалағының тысынан жасаймыз. Шикізатты Ресейден сатьып аламыз. Біздің плиткалар көше жолдарында 10 жылға шыдайды, бұл кепілдендірілген. Ал, белгілі бір нысанның ішінде болса 20 жылға шадайды. Ол жұмсақ болғандықтан қауіпсіз»,-деп хабарлады цех шебері Ғабит Жайлаубаев.

Бұл плиткалардың бұрынғылардын артықшылығы көп. Өндірушілердің айтуынша, 45 градус аязға, 65 гр ыстыққа шыдайды. Жобаның жалпы құны 12 млн. теңге. Қаржы табуға, субсидиялауға және кепілдендіруге мемлекет көмектескен.

Барлық жаңалықтар