Астана көшелерімен «Мәңгілік полк» жүріп өтті (ФОТО)

Мәңгілік полк басында Қазақстанның туы, Жеңіс пен «Мәңгілік полк» көшірмесімен брондалған көліктер қозғалды. Акция қатысушылары әкелерінің, аталарының суреттерін ұстап шықты. Түрлі жастағы майдандастар әскери әндерді шырқап, көз жастарын жасырмай, сұрапыл соғыста шайқасқан жақындарының суретін алып жүрді.

«Менің ата-бабам Максим Степановия 42-жылы қайтыс болды. Біз бірінші жыл қатысып тұрмыз. 9 мамыр біздің ең жақсы көретін мерекеміз, өйткені Отан үшін өмірін қиған аталарымызды мәңгі есімізде сақтаймыз. Сол себепті әскери әндер жүректі қатты толқытады және бұл мереке біз үшін ерекше ыстық»,- деді акция қатысушысы Татьяна Ромашкова.

Акцияға шетелдік қонақтар да қатысты. Фашизм тұтқынында болған кәмелетке толмағандар ұйымының басшысы Галина Змушкова Беларусиядан Қазақстанға жас кездерінен бастап сұрапыл соғысты көрген адам топтарымен келді.

«Біз Қазақстанға «Фашизмге жол жоқ! Соғыссыз балалық шақ» атты акциясымен келдік. Бүгін бірінші рет «Мәңігілік полк» шеруіне қатыстық және осындай акцияны Минск қаласына апарамыз деп ойлаймыз. Біз Беларусия, Ресей, Еуропаға саяхат жасадық, ал бүгін Қазақстанға келдік. Біз барша әлемді тек қана бейбітшілікке шақырамыз»,- деді Беларусиядан келген қонақ.

Қазақстанда «Мәңгілік полк» екінші рет өтуде. Алғаш рет акция 2007 жылы Ресейде өтті. Жыл сайын ардагерлерді еске алу бойынша мемлекеттердің саны ұлғаюда.

Суретке түсірген Бауыржан Жуасбаев

Астананың орталығында өтен «Мәңгілік полк» акциясына бірнеше мың адам қатысты.