М.Гольберг: Қазақстанда Жеңіс Күнін атап өтетінін мақтан тұтамын

9 Мамыр, 2016 13:46

Біз әрбір Жеңіс күнін, әрбір өмір сүріп жатқан күнді жеке жеңіс деп есептейміз. Қазақстанда Ұлы Жеңіс күнін атап өтетіндігі мені қатты қуантадыы. Бұл туралы Ұлы Отан соғысының ардагері, мәдениеттің еңбек сіңірген қайраткері, Астана қ. «Алеф» еуропа мәдени орталығының Төрағасы Моисей Гольдберге Strategy2050.kz АА эксклюзивті берген сұхбатында айтып өтті.

«Бүгінгі күні соғыс пен бейбітшілік мәселесі өзекті орында тұр. Болған соғыз барлығы үшін үлкен сабақ болуы тиіс. Соғыста тек жеңімпаздар мен ұтылғандар болмайды. Сұрапыл соғыс көптеген адамның өмірін әкетеді. Ал мен секілді кәрі адамдардың әсеріне келетін болсақ, ал маған жақында 90 жас болды, біз соғыстың соңғы қатысушыларымыз. Ол 1926-27 жж туылған ардагерлер. Біз әрбір Жеңіс күнін, әрбір сүріп жатқан өмірімізді жеңіс деп есептейміз. Қазақстанда Жеңіс күнін еске алып, атап өтетіні мені қатты қуантады. Біз Украинада болған сұрапылды көрдік, фашистердің бейбітшілікте өмір сүрген халықты жойқындағанын көрдік, ал бүгін «батыр» атандық. Мен қазақстандықтарға өткенді еске алып, құрметтеп жатқандарына алғысымды білдіремін. Қазақстандықтарға мың алғыс!»,-деді ардагер.

Көрнекті қоғам қайраткері Қазақстандағы бейбітшілік әлемі барша қазақстандықтардың Жеңісі екендігін айтып өтті.

«Менен бүгін шеру туралы сұрады, алайда менің ойымша ол адамның жүрегінде болуы керек. Бүгінгі күні барлық ардагерер қайтып оралмағандарды еске алуымыз керек. Мен тіпті, әкемнің сүйектерінің қайда жатқанын білмеймін, болжам бойынша Сталинградта. Ол 1942 жылы көз жұмды. Алла амандығын беріп, немерелеріміз гүлдене берсін. Қазір біз бейбітшілікте өмір сүріп жатырмыз, табиғатымыз гүлденуде, Астанада алма ағаштары гүлдеп, қызғалдақтар өсуде. Менің ойымша, осының барлығы Жеңіс. Біздің ортақ Жеңісіміз! Барша қазақстандықтарға бейбіт өмір, ашық аспан, мықты денсаулық нәсіп етсін»,-деді Моисей Михайлович.

Данияр Қасымов

Сурет astana.gov.kz сайтынан

Барлық жаңалықтар