А.Қаженов: ҚР сот жүйесі қоғамдағы әлеуметтік жанжалдарды шешудің негізгі құралы ретінде толықтай сенімге ие

«VI Судьялар съезінің бірінші жартысы Қазақстандағы сот жүйесінің маңыздылығын көрсетті. Мемлекет басшысы жаңа тапсырмалар жүктеп, судьялардың рөлін арттыру туралы пікірлері мен үшінші билік өкілдеріне Мемлекет мен Елбасның жоғарғы сенімі айтылды. Жалпы біз съез жұмысына қанағаттанамыз», - деді А.Қаженов.

Оның айтуынша, ҚР сот жүйесі қоғамдағы әлеуметтік жанжалдарды шешудің негізгі құралы ретінде толықтай сенімге ие

«Бүгін ҚР Судьяларының съезінде Президент сот жүйесіне өз бағасын берді. Біз оның пікірімен толықтай келісеміз. Біздің ойымызша, бүгінгі талқылау көрсеткендей, қоғамдағы жанжалдарды шешудің басты құралы Мемлекеттің сот жүйесі болып табылады. Сот жүйесінің жұмысы осы тұрғыда алғанда өте маңызды. Және де осы сенімді аталмыш билік өкілдері атқарып келеді», - деп сабақтады Қаженов.

Сонымен қатар, облыстық сот деңгейі қызметінің жұмыс барысында көлденеңнен шығатын мәселелерді де атай өтті.

«Әрине, кемшілік жоқ дей алмаймыз. Атап айтатын болсақ, олар кадр мәселесі, сот қазылыққа үміткерлерді даярлау жұмыстары, емтихан жайлы мәселелер. Съезде дәл осы келеңсіздіктерді Елбасы да атап өтті, енді бұл қиындықтарды алдағы уақытта шешетін боламыз», - деп түйіндеді Қаженов.

Естеріңізге сала кетейік, 20 қарашада Астанада Мемлекет басшысының қатысуымен ҚР VI Судьяларының съезі өткен еді.