Қызылорда облысында Т.Көмекбаев атындағы самбодан халықаралық турнир өтуде (ФОТО)
10 Мамыр, 2016 13:02
Ұлы Жеңс күнін орай, Қармақшы ауданында Кеңес Одағының батыры Тайымбет Көмекбаев атындағы самбодан ХХI халықаралық мемориал өтті. Шараға Әзірбайжан, Грузия, Өзбекстан, Қырғызстан және Қазақстаннан 200-ден астам спортшылары қатысты, деп Қызылорда облысының әкімдігі хабарлайды.
«Барлықтарыңызды Ұлы Жеңістің 71 жылдығына арналып өткізіп жатқан Т.Көмекбаев атындағы халықаралық мемориалдың ашылуымен құттықтаймын. Жыл сайын болатын турнир халықаралық дәреже алды және елімізде самбоның дамуына үлес қосуда. Мемлекет басшысы айтып өткендей, «Біздің басты мақсатымыз Отан үшін күрескен жауынгерлердің ерлігін жастарға сезіндіре білу». Тағы да баршаларыңызды Жеңіс күнімен құттықтаймын, барлық қатысушыларға табыс тілеймін, мықтысы женсін»,- деді облыс әкімі.
Шараның ашылу салтанатында Көмекбаевтың ұрпақтары қатысты және батырды еске алды. Сонымен қатар, қонақтар алдында эстрада жұлдыздары да өнер көрсетті.
