• Басты
  • Астанада «Жауынгер ботқасы» акциясы өтті
7 Мамыр, 2016 14:13

Астанада «Жауынгер ботқасы» акциясы өтті

Бүгін елордадағы ҚР Қарулы күштері әскери-патриоттық орталығы алаңында «Жауынгер ботқасы» атты патриоттық акциясы өтті. ҚР Қарулы күштерінің әскери-тарихи музейінде акцияға қатысушыларға арнайы экскурция ұйымдастырылды. Ал музей алдына шатырдан қалашық тігіліп, келушілер жауынгер ботқасынан дәм татты.
Астанада «Жауынгер ботқасы» акциясы өтті

Отан қорғаушылар күні мен Ұлы Жеңіс мерекесіне арналған шараға әскери қызметшілер мен олардың отбасылары, әскери-патриоттық клубтардың мүшелері, мектеп оқушылары, Астана балалар үйі мен  «SOS» балалар ауылының жеткіншектері қатысты. Жалпы, 1800-ге жуық қонақ жиналды.

ҚР Қарулы күштерінің әскери-тарихи музейінде акцияға қатысушыларға арнайы экскурция ұйымдастырылды. Ал музей алдына шатырдан қалашық тігіліп, келушілер жауынгер ботқасынан дәм татты.

Елордалықтар мен қала қонақтары музейдегі әскери қару-жарақтармен, техникамен суретке түсіп, Қарулы күштердің орталық ансамблінің өнерін тамашалады.

Шара барысында қатысушыларға «Жеңіс лентасы», жалаушалары және басқа да мерекелік атрибуттар таратылды.

Барлық жаңалықтар