Астанада мерекеге орай жаппай жүгіруге 600 әскери қызметші қатысты

Отан қорғаушылар алаңына 600-ден астам әскер қызметші жиналды. Сол жерден басталған ауқымды спорттық шара Бауыржан Момышұлының ескерткіші жаныннда аяқталды, деп хабарлады әскери ведомство.

«Отан қорғаушылар Күні мен Жеңіс Күні мерекесі қатар өтіп жатыр. Бұл ұрпақ сабақтастығын білдіреді. Бұл бүгірудің мақсаты – Ұлы Отан соғысының ардагерлеріне, біздің жауынгерлерімізге құрмет көрсету. Біз 3 шақырым жүгіріп өтіп, Бауыржан Момышұлының ескерткішіне дейін бардық. Онда ескерткішке гүл шоқтарын қойдық»,-деді ҚР ҚК Бас штабы бастығының орынбасары, генерал-майор Амир Халиков.

«Мен Отан қорғаушылар күнімен барлық әскери қызметшілерді құттықтаймын. Ардагерлерімізге денсаулық, бақыт тілеймін. Бұдан бөлек, барлығын салауатты өмір салтын ұстануға шақырамын»,-деп атап өтті жүгіруге қатысқан, 68665 ә/б гвардиясының аға сержанты Арслан Серкебаев.

Сонымен қатар, тұңғыш рет ҚР Қарулы күштерінде әскери бөлімшелер мен ҚР Қарулы күштері мекемелері арасында «Әскер Барысы» титулы үшін қазақ күресінен турнир басталды. Турнир жеңімпазы Ұлт көшбасшысы – ҚР Президенті Н.Ә.Назарбаевтың жүлдесі үшін таласатын «Қазақстан Барысы» республикалық турниріне жолдама алатын болады.