Астанада Жеңіс Күніне арналған велошеруге 2 мыңнан астам адам қатысты

Велошеру қатысушылары «Салтанат сарайы» аумағынан басталып, Қабанбай батыр көшесі арқылы «Астана-Арена» алаңына дейін жалғасты. Велошеру «Сарыарқа» республикалық велотрегінің жанында аяқталды.

Ұйымдастырушылардың айтуынша, бұл акция халықты спортпен шұғылданып, салауатты өмір салтын ұстануға, велоспортты насихаттауға бағытталған. Бұдан бөлек, мерекелік шара Ұлы Отан соғысы ардагерлерінің ұлы ерлігіне тағзым етуді көздейді.

Жалпы, елімізде бүгінде велоспорттың танымалдылығы артып келеді. Мәселен, Алматыда өткен соңғы велошеруге үш мыңнан астам адам қатысқан. Ал, осы жолы Астанадағы велошеруге 2 мыңнан адам қатысып отыр.

Атап өту керек, бұл спорттық шараны Астана қаласының әкімдігі мен Қазақстан Республикасының Ұлттық Олимпиядылық Комитеті, Қазақстаннығ велосипед спорты федерациясы, «Samruk-Kazyna Trust» әлеуметтік жобаларды дамыту Қоры, және «Астана» Президенттік клубы бірлесіп ұйымдастырып отыр.