Астанада қызметтік парызын орындау кезінде қаза тапқан ІІМ мен Ұлттық ұлан әскери қызметшілерін еске алды (ФОТО)

6 Мамыр, 2016 19:32

6 мамырда қызметтік парызын орындау кезінде қаза тапқан Қазақстан Республикасы ішкі істер органдары қызметкерлері мен Ұлттық ұланының әскери қызметшілерінің Монументіне гүл себеттерін қою рәсімі өтті, деп хабарлады Қазақстан Республикасы ІІМ Баспасөз қызметі.

Салтанатты рәсімге Ішкі істер министрлігінің басшылығы мен жеке құрамы, Ұлы Отан соғысының ардагерлері мен ішкі істер органдарының зейнеткерлері қатысты.

Қатысушылар қызметтік парызын өтеу кезінде қаза тапқан ішкі істер органдары қызметкерлері мен Ұлттық ұлан әскери қызметшілерін үнсіздікпен еске алды. Ардагерлер және шақырылғандар алдында Ішкі істер министрінің орынбасары Рашид Жақыпов, Қазақстандық іІшкі істер органдары мен Ұлттық ұлан ардагерлері кеңесінің төрағасы полиция генерал-майоры Өмірзақ Болсамбеков сөз сөйледі.

«Отан қорғаушылар күнін және Ұлы Отан соғысы Жеңісінің жемісін тойлау – Қазақстан азаматында өз елі үшін ерекше мақтанышты қалыптастырады, патриотизмді нығайтады және Отанға қызмет етуге бағыттайды, өз мамандығы үшін қызметкерлер мен әскери қызметшілердің мақтаныш деңгейін арттырады.

Маңызды бағыт қазақстан әскері мен құқық қорғау органдары дәстүрлерін, қызметкерлердің әскери және қызметтік борышын орындау кезінде көрсеткен ерліктерін ілгерілету болып табылады» деп атап өтті Р. Жақыпов.

Қаза тапқандар туралы естелік іс-шараны аяқтау барысында Астана қаласының Ұлттық ұланы мен полиция гарнизонының бөліністері ардагерлер мен қатысушылар алдында салтанатты шерумен жүріп өтті.

Соныдай-ақ ІІМ-нің клубында «Жеңіс жолдарымен!» фотодеректі көрме ұйымдастырылды.

Министрдің бұйрығымен ішкі істер органдарының 518 қызметкері, оның ішінде ведомстволық наградалар мен медальдармен 202 қызметкер марапатталды.