Отан қорғаушылар күніне орай ҚР ҚК әскери қызметшілері спорттық демалыстар өткізеді
6 Мамыр, 2016 20:09
Астанада 7-ші мамыр күні Отан қорғаушылар күні мен Ұлы Отан соғысының Жеңіс Күніне орай Отан қорғаушылар алаңында әскери қызметшілердің жеңіл атлетикадан жаппай жүгіру шарасы өтеді.
Бұл жүгіру шарасына 600-ден астам әскери қызметші қатысады. Оған қатысушылар Бауыржан Момышұлының ескерткішінің жанында мәреге жетеді, деп хабарлады ҚР Қорғаныс министрлігі.
Аталмыш жүгіру спорттық шарасының құрметті қонақтары ретінде Ұлы Отан соғысының ардагерлері, ҚР Қарулы күштері Бас штабының басшысы, генерал-майор А.Халиков және ҚР Парламенті Мәжілісінің депутаттары қатысады.
Бұдан бөлек, ҚР Қарушы күштерінде тұңғыш рет қазақ күресінен «Әскер Барысы» турнирі өтеді.
Сонымен қатар, осы күні ҚР ҚК әскери бөлімшелері арасында «Әскер Барысы» титулы үшін қазақ күресінен бүкілармиялық турнир өтеді. Ол жерде құрметті қонақ ретінде ҚР Парламенті Мәжілісінің депутаты Бақытбек Смағұл, Қазақ күресі Федерациясының Президенті Арман Шораев қатысады.
