Алматыдағы ауыл шаруашылығы жәрмеңкесінде 170 тонна таза экологиялық өнім ұсынылады
6 Мамыр, 2016 20:49
Алматыда «Астана» алаңында 14 мамыр күні Алматы облысы тауар өндірушілерінің жәрмеңкесі өтеді, деп хабарлады әкімдік.
Азаматтар өнімнің 50 түрін сатып ала алады. Мегаполистің қонақтары мен тұрғындарына 110 млн теңгенің ет, сүт, көкөніс және өзге өнімдері ұсынылады.
Алматы облысының 3 қаласы мен 16 ауданының аграрилері 170 тонна экологиялық өнімді ұсынды.
Жәрмеңкені өткізу кезінде автомобиль қозғалысын азайту қарастырылған.
