Мәжіліс депутаттары Алматы облысының халқымен кездесулер өткізді

Іс-сапардың негізгі мақсаты – Мемлекет басшысының Қазақстан халқы Ассамблеясының 24-ші сессиясында берген бірқатар тапсырмалары мен бірінші кезекке қойылған міндеттерді түсіндіру, деп хабарлайды Мәжілістің баспасөз қызметі.

Депутаттар Талдықорған, Текелі қалаларының белсенділерімен, Қазақстан халқы Ассамблеясының мүшелерімен, славян, украин этномәдени бірлестіктерімен, қалалық қоғамдық келісім кеңесімен, сонымен қатар, «Строитель» ЖШС-ң қызметкерлерімен кездесті.

Жетісулықтармен кездесу барысында экономикалық өсімнің, тіл саясатының, әлеуметтік саланың, аймақтың дамуын, білім саласына қатысты өзекті мәселелерді көтерілді.

Тұрғындар Қазақстан халқы Ассамблеясының сессиясында қабылданған «Мәңгілік Ел» патриоттық актісіне зор қызығушылық танытты.