Алматы облысында кинологиялық қызмет ашылды

6 Мамыр, 2016 08:37

Алматы облысының әкімі Амандық Баталов облыстық ІІД кинологиялық қызметі орталығының ашылу салтанатына қатысты, деп хабарлады облыс әкімдігі.

Аталмыш орталыққа күрделі жөндеу және жаңғырту жұмыстары жүргізілген болатын. Жаңарған орталықтың жұмысы туралы облыстық ІІД бастығы, полиция генерал-майоры Мұрат Ұрымханов баяндады.

Кинологиялық қызмет орталығының жаңғырту және күрделі жөндеу жұмыстары облыс әкімінің өткен жылы облыстық ІІД нысандарын аралауы кезіндегі берген тапсырмасы бойынша жүргізілді. Оған қаржы жергілікті бюджеттен бөлінді. Оқу бөлмелері, заманауи вольерлер, иттердің күшіктейтін бөлмелері салынып, жаттығу алаңдары қалпына келтірілген. Кинологтар енді орталық базасында оқытылып, сол жерде иттерді үйретіп, машықтандыратын болады.

Нысанның жалпы алаңы 2978 шаршы метрді құрайды. Орталық балансында қазір 18 қызметтік иті бар. Оған қоса мұндай иттер аудандық және қалалық ІІБ-ларда да қызмет етеді. Кинологтардың бірлескен еңбегінің нәтижесінде 105 қылмыс ашылған.

Барлық жаңалықтар