С.Әбдірахманов: Заңда жердің шетелдіктерге сатылмайтыны жөнінде баса айтылған

«Жер мәселесіне байланысты белгілі бір дәрежеде қоғамда алаңдаушылық болып жатыр. Бұл алаңдаушылыққа байланысты Президент Нұрсұлтан Назарбаев Қазақстан халқы Ассамблеясының ХХІV-ші сессиясында нақты айтты. Бұның барлығы елдің жерге деген құрметі, қазақ жерінің қасиетін білуі, соның белгісі, деді. Екіншіден, жердің шетелдіктерге сатылмайтыны жөнінде баса айтылды, бұл мәселеге түбегейлі нүкте қойылды. Өйткені, Заңда ондай бап жоқ, ондай болуы да мүмкін емес. Жоқ нәрсені талқылау да мүмкін емес»,-деп атап өтті депутат.

Сонымен қатар Сауытбек Әбдірахманов, жерді жалға берудің де тәртібіне тоқталды.

«Ал, жердің шетелдіктерге жалға берілу мерзімінің ұзартылуы жөнінде де жан-жақты айтылып жатыр. Жерді бұрынғы 10 жылдан 25 жылға жалға беру қажеттілігі жерге ұзақмерзімді инвестиция салу, ұзақ уақыт өңдеп, баптап ұстап, игілігін көруге мүмкіндік беруге байланысты»,-деп түсіндірді Мәжіліс депутаты С.Әбдірахманов.