• Басты
  • ҚР СІМ: Қытай ЭКСПО-2017 көрмесіне қатысу дайындығын белсенді түрде бастап кетті

ҚР СІМ: Қытай ЭКСПО-2017 көрмесіне қатысу дайындығын белсенді түрде бастап кетті

5 Мамыр, 2016 19:58
ҚР-ң ҚХР-ғы елшісі Шахрат Нұрышев ҚХР-ң халықаралық сауда комитеті төрағасының орынбасары, Қытайдың «ЭКСПО-2017» көрмесіндегі ұлттық павильонының бас комиссары Ван Цзиньчжэнмен кездесіп, онда қытай тарапының көрмеге қатысуға қатысты бірқатар мәселелері талқыланды, деп хабарлады ҚР Сыртқы істер министрлігі.

Ван Цзиньчжэнь екі ел арасындағы саяси қарым-қатынас пен сауда-экономикалық және мәдени-гуманитарлық салалардағы даму перспективаларды айта келіп, көрменің «Болашақтың энергиясы» тақырыбы ұлкен маңызға ие екендігі туралы пікірін айтты.

«Энергетика –  Қазақстан мен Қытай үшін өте маңызды сала. ҚХР-әлемдегі энергия ресурсын көп пайдаланатын ірі тұтынушы. Осыған байланысты қытай тарапы энергетика саясатын қайта қарап, экологиялық таза энергияның үлесін арттырмақ»,-деп мәлімдеді бас комиссар.

Тараптар көрмеге дайындық жөнінде бір қатар мәселелер бойынша пікір алмасты. Айталық, қытай павильонының құрылысы, туристер үшін ең қажетті инфроқұрылымды жасақтау, сондай-ақ, ұлттық күнін өткізу мәселесі де ортаға салынды.

Ш.Нұрышев өз кезегінде көрмеге дайындық барысын, ҚР инвестициялық әлеуетін, ҚР Үкіметінің Қазақстанға шетелдік туристерді тарту шараларын таныстырды. Қазақстандық дипломат қытай өкілін Қазақстанның туристік әлеуетін дамытуда белсенді атсалысуға шақырды. 

Барлық жаңалықтар