ОҚО әкімі төтенше жағдайларды болдырмаудың алдын алу шараларын күшейтуді тапсырды
Жаз маусымының келуіне байланысты орман, дала өрттерінің орын алу жағдайларының болу ықтималдығы жоғары екені белгілі. Осыған байланысты, Б.Атамқұлов облыстағы аудан, қала әкімдері мен мемлекеттік органдардың жетекшілеріне осы бағыттағы жұмыстарды жандандыруды тапсырды.
Атап айтқанда, облыс әкімінің тапсырмасына сәйкес, әрбір ауылда төтенше жағдай орын ала қалған жағдайда дереу әрекет ететін өрт сөндіру бекеттері болуы тиіс. Мұнан бөлек, оқыс жағдай орын алған уақытта жауапты қызметтерге көмекке келетін ерікті өрт сөндірушілер тобын ұйымдастыру тапсырмасы жүктелді.
Сонымен қатар, аймақ басшысы тас жолдар бойындағы үлкен дауыл кезінде де оттың үдеп кетуіне жол бермейтін минаралды жолақ құрылғыларына айрықша назар аударды.
Алдағы уақытта аптап ыстықтың басталатынына байланысты өңірдегі су қоймаларында демалушылардың қарасы қалыңдайтыны рас. Жиында осы мәселеге де көңіл бөлген Б.Атамқұлов шомылу маусымында жергілікті тұрғындардың суға батып кетпеу шараларын толықтай қамтамасыз етуді тапсырды.
