ЕЭК ЕАЭО сыртқы шекарасында автомобильдік бақылауды жетілдіру мәселесін талқылады

5 Мамыр, 2016 18:41

Мәскеуде Еуразиялық экономикалық комиссияның Көлік және инфрақұрылым департаменті директоры Ержан Нұрахметовтың төрағалық етуімен Еуразиялық экономикалық одақ елдері көліктік бақылау органдары басшыларының Одақтың сыртқы шекарасындағы көліктік бақылауды жетілдіру бойынша жиналыс өтті.

Шараға ЕЭК өкілдері, көлік бақылау органдарының басшылары мен ЕАЭО елдерінің кедендік орган төрағалары қатысты, деп Комиссияның баспасөз-қызметінде хабарлайды.

Жиналысқа қатысушылар көліктік бақылауды жүзеге асыру кезіндегі ақпараттық өзара іс-қимылдың мониторингі нәтижелерін, оның ішінде бар проблемалық мәселелерді, оларды жою шараларын талқылады. Көбінесе, баждар мен айыппұлдарды төлеу бойынша кемшіліктер аталып өтілді, сонымен қатар берілген хабарландыруларға бақылау жасау және оларды шешудің жолы.

Қырғыз Республикасының көлік және коммуникация министрлігінің өкілдері 2016 жылы «Бірыңғай автоматтандырылған ақпараттық жүйе «Электрондық көлік бақылау» бағдарламасын пайдалануға бергеннен кейін, ақпаратты толық алмасу мүмкіндігі туралы айтып берді.

Жиналыс барысында Одақ елінің кедендік органдарындағы лауазымды адамдары үшін жоба әдістемесін аяқтау келісілді.