Аккредитациялау орталығы спортшылар үшін өте ыңғайлы болмақ – Л.Бриель (ФОТО)

“Жақында мен “Пирамида” мен Атлетикалық қалашықта орналасқан FISU офисін барып көрдім. Бұл ғимараттар керемет жасалған. Сөссіз, стратегиялық және жақсы ойластырылған орын. Бұл тек аккредитациялау орталығында жұмыс атқаратын адамдарға ғана емес, спортшылар мен ресми өкілдерге де ыңғайлы болады. Менің көңілім толып отыр“,-деді Лоран Бриель.

Сонымен қатар, Лоран Бриель қысқы Универсиаданың аккредитациялау департаментімен бірнеше жақсы кездесулердің өткенін айта кетті.

“Мен, департаменттің алға жылжуы мен жұмысына таңданысымды жасыра алмаймын. Олар өз жұмысын ойдағыдай атқарып жатыр. Әрине, бізге әлі үлкен жетістікке жетуіміз үшін бірлесіп көп жұмыс атқаруымыз керек. Қазір біз дұрыс жолдамыз. Әр қадамды аңдап басып, мақсатқа жетуге жақынбыз. Әлі бірнеше шешілмеген сұрақтардың бар екені рас. Бірақ біз ұйымдастырушы комитетпен бірігіп, бұл мәселелерді шешетінімізге күмән келтірмеймін“,-деп аяқтады сөзін Лоран Бриель.

Айта кетейік, бұл күндері Алматы қаласында халықаралық студенттер спорты федерациясының FISU өкілдері инспекциялық бақылауларын жүргізіп жатыр. FISU өкілдері Алматыдағы спорт нысандарының қысқы Универсиада ойындарына дайындығын бақылап, тексеруге келген болатын.