СҚО-ның машина жасау зауытында 28 астық жинайтын комбайн құрастырылады

5 Мамыр, 2016 11:03

Жұмыс сапары барысында СҚО әкiмi Ерiк Сұлтанов «ҚАЗТЕХМАШ машинажасау зауыты» мен «Радуга» ЖШС-де барды. Өңiр басшысы өндiрiспен танысып, кәсiпорындардың жоспарлары мен қиыншылықтары туралы сұрап бiлдi, деп хабарлады облыс әкімдігінің баспасөз қызметі.

«ҚАЗТЕХМАШ машинажасау зауыты» ЖШС-ның директоры Сәбит Шәкеновтың айтуынша үстiмiздегi жылы кәсiпорын тағы да 28 астық жинайтын комбайнды жинау мен қызмет көрсету бойынша жұмысты күшейтпек.

«Қазiр алаңда 17 комбайн бар. Олар сатылымға дайын тұр. Дилерлiк желiнi құру жұмыстары жүргiзiлуде, сату бөлiм жұмыс iстейдi», — дедi Сәбит Шәкенұлы.

Өңiр басшысы өндiрiске отандық құрамды енгiзу бойынша жұмыс тапсырды.

«Қосалқы бөлшектердi облыста шығару бағытындағы жұмыс өте баяу жүрiп жатыр. Нақты мерзiмдерiн белгiлеңiздер», — дедi Ерiк Хамзаұлы.

«Радуга» ЖШС-гi үстiмiздегi жылы тез әзiрленетiн кеспе өндiрiсi бойынша цехты iске қосуды жоспарлап отыр. Жобалық-сметалық құжаттар дайын, құрылыс жұмыстарының нөлдiк деңгейi атқарылды.

Серiктестiктiң директоры Дмитрий Шарапаев бiр ауысымда цех 160 мың қорап кеспе шығаратынын, кәсiпорын жергiлiктi шикiзатты қолдануды жоспарлап отырғанын жеткiздi.

«Өнiмнiң негiзгi компонентi — ұн. Солтүстiкқазақстандық ұн — үздiк шикiзат.Оны өндiрiсте қолданатын боламыз. Әзiрлеуде қытайлық, вьетнамдық технологияларды қолданамыз. Ендi бешбармақ кеспесiн шығаруды байқап көрмекпiз», — дедi Дмитрий Анатольевич.

Қазiр «Радуга» ЖШС-гi жүгерi қауызы мен құрғақ таңғы асты, сондай-ақ, полиэтилен тауарларын шығарады.