Жамбыл облысында сот-құқық жүйесін жаңғырту мәселелері талқыланды
Шара барысында Мемлекет басшысы Нұрсұлтан Назарбаевтың «100 нақты қадам» Ұлт жоспарының аясында сот-құқық жүйесін жаңғырту мәселелері талқыланды. Б.Бекназаров өз сөзінде реформалар азаматтардың құқықтары мен бостандықтарын қорғауға бағытталғанын, заңдарды сақтаудың және құқықтық тәртіпті нығайтудың қажеттігін атап өтті.
Сенатор Парламенттің Ұлт жоспары аясында жаңа Қылмыстық іс жүргізу кодексін және «Жоғары Сот Кеңесі туралы» заңды қабылдағаны, «Сот жүйесі мен судьялар мәртебесі туралы» Конституциялық заңына, Азаматтық іс жүргізу кодексі мен Әкімшілік құқық бұзушылық туралы кодексіне өзгерістер енгізілгені туралы хабардар етті.
4 мамырда Б.Бекназаров Ішкі істер департаментінде және Жамбыл облыстық прокуратурасында өткен кездесулерге қатысты. Сенатор сондай-ақ, жұмыс сапары аясында Жуалы ауданының жұртшылығымен де кездеседі.
