ОҚО жастары прокуратура өкілдерімен ашық есік күнін өткізді
Жиынға М.Әуезов атындағы ОҚМУ, А.Яссауи атындағы Халықаралық қазақ-түрік университеті, М.Сапарбаев атындағы Оңтүстік Қазақстан гуманитарлық институтының ректорлары мен заң факультетін үздік бітірген 50 студент қатысты.
«Ашық есік» күнінде облыс прокуроры И.Ә.Иманов сөз бастап, құқық қорғау саласының қызметі туралы түсіндірсе, облыстық жастар саясаты мәселелері жөніндегі басқарма басшысы Б.Жанәбіл меритократия қағидасы үстемдік құрып келе жатқан өңірімізде мұндай басқосулардың студенттер үшін маңызды екенін атап өтті. Жиын барысында студенттер облыс прокурорының өмірлік және қызметтік жолымен танысты.
Айта кеткен жөн, прокуратура саласында жұмыс істеуге ниет білдірген бітіруші студенттерге сауалнама жүргізіп, прокуратура саласымен етене таныстыруды мақсат тұтқан шараның болашақ маман иелері үшін маңызы зор.
