Ақтөбеде жаңа әлеуметтік дүкендер ашылатын болады

Алғашқы әлеуметтік дүкен 2016-шы жылдың наурыз айында «Нұр Ақтөбе» шағын ауданында ашылған болатын. Мұндай дүкендерден тұтынушылар әлеуметтік маңыздағы тауарларды ең төменгі бағаға ала алатын болады. Қ.Бекеновтың айтуынша, жақын уақыттарда әлеуметтік сауда нүктелері 12-ші шағын ауданда, сонымен қатар, «Батыс - 2» және «Болашақ» шағын аудандарында да есігін айқара ашатын болады.

ӘКК-ң жоспарында шағын базарлардың санын арттыру да көзделіп отыр.

«Қазіргі уақытта біздің еншілес ұйым «Базарлар басқармасы» ЖШС-де тамақ өнімдерін саудалау ұйымдарына арналған 7 шағын базар және 4 жер учаске бар. Біз шағын базарларды қайта жаңғыртуды және олардың санын арттырып, облыс орталығына жақын ауылдарды қолжетімді азық-түлікпен қамтамасыз ету мәселесін талқылап жатырмыз. Қазір Кирпичный, Благодарный және Қарғалы елді мекендерінен шағын базар үшін жер таңдап жатырмыз»,-деп хабарлады Қайрат Бекенов.

Қайрат Бекенов осындай шаралардың негізінде облыс аудандарының халқы тауарларды нарықтағы бағадан 15-20 %-ға төмен бағада ала алатын болады, деп есептейді.