Қазақстанда жыл өткен сайын әскери-патриоттық орталықтары көбеюде - Мемхатшы
Іс-шараға сондай-ақ мемлекеттік органдардың басшылары, еңбек ардагерлері, Қарулы Күштердің офицерлері қатысты.Қарулы Күштерінің Ұлттық әскери-патриоттық орталығын Елбасы Н.Ә.Назарбаев 2015 жылғы 1 желтоқсанда ашты. Ұлттық әскери-патриоттық орталығының құрылымын Әскери-тарихи мұражай, Орталық әскери оркестр және Орталық ансамбль құрайды.
ҚР Мемлекеттік хатшысы Қарулы Күштерінің Әскери-тарихи мұражайының экспозицияларымен танысты.
Орталықты аралау барысында Мемлекеттік хатшы сондай-ақ ЖОО студенттерімен, «Жас Ұлан» республикалық мектебінің және әскери-патриоттық клубтардың тәрбиеленушілерімен, Астана қаласы орта мектептерінің оқушыларымен кездесу өткізді. Кездесуде еліміз – Қазақстан Республикасын одан әрі дамыту және гүлдендіруге бағытталған «Мәңгілік Ел» патриоттық актісін іске асыру аясында өскелең ұрпақты әскери-патриоттық бағытта тәрбиелеудің өзекті мәселелері талқыланды.
Кездесуге қатысушылар Қорғаныс министрлігінің ардагерлер қауымдастығымен, өскелең ұрпақпен және жаңа қазақстандық патриотизмге тәрбиелеу жөніндегі құзырлы мемлекеттік органмен тиімді қарым-қатынас орнықтыруды қамтамасыз ету аясында пікір алмасты.
Бүгінгі таңда елімізде өскелең ұрпақтың әскери-патриоттық тәрбиесін жетілдіруге, Қазақстан Республикасы Қарулы Күштерінің имиджін одан әрі нығайтуға бағытталған 62 936 адамнан астам жасты қамтитын 2 229 әскери-патриоттық клубтар, үйірмелер және секциялар бар.
Кездесудің қорытындысы бойынша Қазақстан Республикасының Мемлекеттік хатшысы Г.Н.Әбдіқалықова жас ұрпақтың әскери-патриоттық тәрбиесін жетілдірудің басымдықтарын белгілеп, қатысушыларды алдағы Отан қорғаушы күні және Ұлы Отан соғысындағы Жеңістің 71 жылдығы мерекесімен құттықтады.
