Қазақстан Чехия туристері үшін белгілі бағытқа айналды – ҚР СІМ

4 Мамыр, 2016 11:39

Прагадағы Қазақстан елшілігі берген виза саны айтарлықтай өсіп отыр. 2016-шы жылдың 4 айының өзінде Чехия Республикасының азаматтарына 738 виза берілген, деп хабарлады Қазақстан Республикасының Чехия Республикасы мен Словакия Республикасындағы Төтенше және Өкілетті елшісі Сержан Әбдікәрімов ҚР Сыртқы істер министрлігінде өткен Қазақстан Республикасы мен Чехия Республикасының өзара қарым-қатынгасына арналған брифинг барысында.

«Соңғы жылдары Прагада біздің елшілік беріп отырған виза айтарлықтай өсті. 2013-ші жылы 2300 виза берлсе, 2014-ші жылы 2481, 2015-ші жылы 2866-ға дейін жетті. Яғни, бұл 300-400 адамнан көбейіп отырғанды көрсетеді. Олардың 200-і бизнес арқылы келетін болса, бұл әжептуір көрсеткіш. Тіпті, 200 турист келсе де, жаман көрсеткіш емес. Ал, былғы 4 айдың өзінде 783 виза беріп үлгердік. Яғни, өсім денденциясы бар деп айтуға толық негіз бар. Чехиялық азаматтар біздің керемет табиғатты, біздің Ұлы жібек жолымызды, тауларымыз бен керемет көркем жерлерімізге ғашық»,-деп хабарлады ол.

Сонымен қатар елші, өткен жылы Астанадан Чехияға бару үшін 12 мың қазақстандық азаматқа виза берілгендігін де атап өтті.

Журналистердің сұрағына жауп берген Әбдікәрімов «ЭКСПО-2017» халықаралық мамандандырылған көрмесіне туристер тарту мәселесімен айналысып жатқандарын да жеткізді.

Барлық жаңалықтар