Ұлт жоспары: Пробация қызметі түрмеге қамаудың баламалы түрі болып табылады

3 Мамыр, 2016 17:21

Пробация қызметі түрмеге қамаудың баламалы түрі болып табылады, деді «ҚазҰЗУ университеті» АҚ құқық мектебінің криминология және қылмыстық-атқару құқығы кафедрасының доценті, заң ғылымдарының докторы Абылайхан Аққулев Еуропадағы пробацияның дамуы туралы Еуропа Одағының халықаралық сарапшыларымен кездесу барысында.

«Еуропадағы пробация институты 100 жылға таман уақыт бойы жұмыс істеп келеді. 19 ғасырдың өзінде түрмеге қамаудың тиімсіздігі белгілі болды. Халықаралық ұйымдар, заңгерлер, тәжірибешілер бас бостандығынан айыру шешімін емес, рецивидтермен күресу жолын қарастыра бастады. Бүгінде Қазақстанда рецивидтер пайызы айтарлықтай үлкен. Рецивидтердің алдын алу шараларынан бөлек проьация әлеуметтік-құқықтық көмек жүргізуге мүмкіндік береді», - деді А.Ақулев.

Сарапшының айтуынша, 2013 жылы сот реформасының форумы өтті, онда түрме халқы мен пробация институты талқыланды.

«Егер 2012-2013 жылдары 75 пайыз жазалау бас бостандығңынан айыру болса, бүгінде бұл көрсеткіш 55 пайызға тең. Бұл жақсы көрсеткіш. Мәселен, Жапонияда, Еуопада жазалаудың 10 пайызы - бас бостандығынан айыру. Жаңа қылмыстық-атқару кодексінің қабылдануы бойынша пробацияның екі моделі енді: шешуші және жазасын өтеуден кейін көмек көрсету», - деді ол.

Жалпы, Қазақстандағы пробация қызметінің моделі өзіне 4 фазаны біріктіреді, ол Еуропаның үздік тәжірибелеріне сай.

Ботагөз Айтжанова