• Басты
  • Парламент Сенаты Астанада Экспо-2017 көрмесін өткізу мәселелері бойынша заң жобасын қабылдады
21 Қараша, 2013 15:52

Парламент Сенаты Астанада Экспо-2017 көрмесін өткізу мәселелері бойынша заң жобасын қабылдады

Бүгін Парламент Сенатының жалпы отырысында «Қазақстан Республикасының кейбір заңнамалық актілеріне Астана ЭКСПО-2017 халықаралық мамандандырылған көрмесін ұйымдастыру және өткізу бойынша өзгерістер мен толықтырулар енгізу туралы» заң жобасы қабылданды, деп Премьер-Министрдің ресми сайты хабарлады.
Парламент Сенаты Астанада Экспо-2017 көрмесін өткізу мәселелері бойынша заң жобасын қабылдады

"Заң жобасымен 8 заңнамалық актіге, оның ішінде бюджет және салық кодекстеріне түзетулер қарастырылған", - деп мәлімдеді экономика және бюджеттік жоспарлау министрлігінің басшысы Ерболат Досаев.

Осылайша, Бюджет кодексіне "Астана Экспо-2017" ұлттық компаниясын мақсатты салым түрінде жедел қаржыландыру үшін өзгертулер енгізілуде. Заң жобасы сондай-ақ Салық кодексіне түзетулерден тұрады, олар көрме нысандарын жобалауды және салуды жүзеге асыратын ұйымдар үшін салықтық босаңсытуларға бағатталған.

Бұдан өзге, "Астана Экспо-2017" ұлттық компаниясын корпоративтік, жер салығынан босату және салық базасына 0,1% мөлшерде мүлік салығын орнату.

Сондай-ақ, Е.Досаев "Сауда қызметін реттеу туралы" заңға "халықаралық мамандандырылған көрме" ұғымын анықтау бойынша, "Техникалық реттеу туралы" заңға көрме барысында тауарлар, жұмыстар және қызметтердің шетелдік сертификаттарын пайдалану бойынша түзетулер енгізілгенін атап өтті. 

"Сондай-ақ, көрмеге қатысу үшін тұлғалардың елге кіруінің және тіркелуінің ерекше тәртібін анықтауға мүмкіндік беретін "Халық көші-қоны туралы" заңға өзгертулер қарастырылған", - деп қортындылады ЭБЖМ басшысы.

 

 

Барлық жаңалықтар
34.234.207.100, 192.168.88.100