Алматы кәсіпкерлері инновациялық бизнес идея үшін 3 млн теңгеге дейін алады
3 Мамыр, 2016 17:04
«Бизнестің жол картасы-2020» бағдарламасы аясында өз ісін жаңадан ашып жатқан кәсіпкерлер мен әйелдер, еңбекке қабілетсіз азаматтар мен мүгедектік тобы бар адамдар және 50 жастан үлкен адамдар үшін мемлекеттік грант бөлінеді. Әкімдікте хабарлағандай, тұтынушыларға 3 млн теңгеге дейін қаржы беріледі, деп хабарлады қала әкімдігі.
Бизнес жобаның идеясы жаңашылдыққа ие болуы керек. Бизнес жоба бәсекеге қабілетті болуы керек: демек, маркетингтік сараптама жасау керек, аталмыш кәсіпорынның нарықтық қажеттілігін анықтау қажет. Жобаға қойылатын талаптарды айтатын болсақ, ол пайдалануға дайын болуы керек. Бизнес жобаның міндетті талабы гранттан бөлек тұтынушы қаржыландырудың 10 пайызын өзі жүзеге асыруы керек.
Айта кетерлігі, қатысушылар 2016 жылдың 1-15 шілдесі аралығында байқауға құжат тапсыруы керек.
