Жер кодексіне енген жаңашылдықтар азаматтардың мүддесін қарастырып отыр - БҚО «Маскус» басшысы
3 Мамыр, 2016 14:32
Жер учаскелерін жеңілдікпен сатып алу туралы Батыс Қазақстан облысы «Маскус» ЖШС басшысы Жамбыл Насимулин Strategy2050.kz АА берген сұхбатында айтып өтті.
«ҚР Жер кодексіне енген жаңашылдықтардан жер учаскесін сатып алу талаптарының өзгеруін айтар едім. Аталмыш норма Қазақстанның заңды және жеке тұлғаларының қызығушылығын ескере отырып ауыл шаруашылығы учаскесін қолданудың жалға беру уақыты аяқталмай тұрып, жерді 50 пайыз жеңілдікпен сатып алу ұсынылып отыр. Оны 10 жыл бойы өтеп төлеуге болады», - деді Ж. Насимулин.
Ол атап өткендей, өз үлесіндегі жерлерді ауыл шаруашылығы серіктестігіне не болмаса өндірістік кооперативтерге тапсырған , жер учаскесіне ие адамдардың құқығы қорғалады.
«Кодекс жер қолданушыларына жалға беру құқығын ұсынып отыр. Мәселен, жалға беру уақыты біткенше дейін банкке жалға беруге болады», - деді ол.
Ботагөз Айтжанова
