Солтүстік Қазақстанда 75 жас отбасы пәтер кілтін алды

Солтүстік Қазақстан облысының әкімдігінде хабарлағандай, жаңа пәтерге орналасқандарды аймақ басшысы Ерік Сұлтанов құттықтады.

«Барлық қазақстандықтар үшін тұрғын үйдің сапасы мен қолжетімділігі әрдайым біздің саясатымыздың басым бағыттарының бірі болып отыр. Өзіңнің үйінді алу – өмірлеріңіздегі маңызды және қуанышты жағдай. Сіздерді шын жүректен құттықатймыг. Денсаулықтарыңыз мықты болып, шаңырақтарыңыздан береке кетпесін»,-деді әкім.

Жаңа жеке пәтерлерін алған Байғұзиновтар жанұясы өз қуаныштарымен бөлісті.

«Н.Назарбаевқа осындай жастарды тұрғын үймен қамтамасыз ететін бағдарламаның болғанына алғысымызды айтқымыз келеді, бұл біз үшін улкен қолдау. Бізге пәтеріміз қатты ұнайды»,-деді Әйгерім Байқұзинова.

Айта кетейік, үйдің құрылысы 2014 жылдың шілде айында басталды. «Аймақты 2020 жылға дейін дамыту бағдарламасы бойынша «Жас отбасы» бағытына орай жаңа үйден 75 жас солтүстік қазақстандық отбасы пәтер кілтін алды»,-деп хабарламада айтылған.

Сонымен қатар, бұл аймақта пайдалануға беріп жатқан алғашқы тұрғын үй. 2016 жылы «Нұрлы жол» бағдарламасы аясында облыс орталығында 11 тұрғын үйді немесе 1011 пәтерді пайдалануға беру жоспарланған.