Лисаковқа 2013-2015 жылдары моноқалаларды дамыту бағдарламасы аясында 2,5 млрд теңге бөлінді
17 Желтоқсан, 2012 00:00
Лисаков қаласына 2013-2015 жылдарға арналған «Моноқалаларды дамыту» мемлекеттік бағдарламасы аясында 2 537,2 млн теңге бөлінді. Бұл туралы Лисаков қаласының әкімі Виктор Радченко әңгімелеп берді.
«Лисаков қаласын дамытудың кешенді жоспарына сәйкес, 2013-2015 жылдарға республикалық бюджеттен 2 537,2 миллион теңге көлемінде мақсатты трансферттер бөлу жоспарлануда. Оның 2098,8 миллион теңгесі әлеуметтік-инженерлік инфрақұрылымдарды дамытуға, 438,4 миллион теңгесі моноқаланы орнықтыру мәселесін шешуге жұмсалмақ», - деді ол.
Оның сөзіне қарағанда, Моноқалаларды дамыту бағдарламасы аясында 2013 жылы 280 орынға арналған балабақша құрылысын бастап (2016 жылы пайдалануға беріледі), Октябрьский кентіндегі 150 орындық балабақшаны қайта қалпына келтіру жұмыстарын аяқтау жоспарлануда.
