• Басты
  • ҚР ҚК-нің әскери техника мен қару-жарақ шеберлері Арми-2016 халықаралық ойындарына дайындалуда (ФОТО)
2 Мамыр, 2016 13:47

ҚР ҚК-нің әскери техника мен қару-жарақ шеберлері Арми-2016 халықаралық ойындарына дайындалуда (ФОТО)

«Оңтүстік» өңірлік қолбасшылығының «Айша-бибі» полигонында Армия халықаралық ойындары-2016 қатысу үшін ҚР ҚК Құрлық әскерлерінің бөлімдері арасында іріктеу байқауы аяқталды, деп хабарлады Қорғаныс министрлігі.
ҚР ҚК-нің әскери техника мен қару-жарақ шеберлері Арми-2016 халықаралық ойындарына дайындалуда (ФОТО)

Оған Құрлық әскерлері, Аэроұтқыр әскерлерінің барлық өңірлік қолбасшылықтарының әскери қызметшілері қатысты. Іріктеу байқауы «Қару жасаушы шебер», «Автоброньды техника шебері» және «Жөндеу батальоны» атты үш аталым бойынша өткізілді.

Қазіргі сәтте екі аталым бойынша байқаудың кезеңдері аяқталды және оның нәтижесі бойынша жеңімпаздар анықталды. Құрлық әскерлерінің бөлімдері арасындағы байқаудың ақтық кезеңі «Жөндеу батальоны» аталымындағы бақ сынасу болды. Бұл кезеңде үздіктер атағына материалдық-техникалық қамтамасыз ету бөлімшелері тартысқа түсті. Олардың алдында барынша қысқа мерзімде және сапалы түрде істен шыққан техниканы жөндеу тапсырмасы тұрды.

Байқау шарттары жауынгерлік жағдайда техниканың істен шығып, алайда, ұрысты жалғастыру қажет болған кезде әлеуетті ықтимал ахуалдар негізінде құрылған. Мұндай сәттерде күрделі жағдайларда қару-жарақ пен әскери техниканы жөндеуді жүзеге асыруға дайындалған әскери жөндеушілер көмекке келіп, жағдайды ретке келтіруі тиіс. «Жөндеу батальоны» байқауының қорытындысы бойынша «Оңтүстік» өңірлік қолбасшылығының командасы бірінші орынды, «Шығыс» ӨңҚ командасы екінші орынды иеленді.  Командалар мен үздік әскери қызметшілер ҚР ҚК Құрлық әскерлерінің қолбасшылығынан грамоталармен, кубоктармен және вымпелдармен марапатталды.   Қазақстандық әскери қызметшілер үшін  тартыстың келесі кезеңі Ресей Федерациясында өтетін Армия халықаралық ойындарына қатысу болмақ. Онда олардың қарсыластары отандастары емес, ал әлемнің шетел армиясының командалары болады.


 

Барлық жаңалықтар