Ақтөбе облысында Қазақстан халқының бірлігі күнін мерекелеу аясында 700 шара өтті

Мереке қарсаңында Әйтеке би, Қобда аудандарында «Бір халық, бір ел, бір тағдыр» , «Қазақстан – халықтар достығының бесігі» тақырыбында дөңгелек үстелдер өтті, Хромтау, Алға аудандарында «Бейбітшлік – бауырластық белгісі», «Бір шаңырақ астында» сайыстары өтті.

Айта кетейік, дәстүрлі мерекелік шараларға Ақтөбе облысының әкімі Бердібек Сапарбаев қатысты. Шара Тұңғыш Президент паркінде өтті. Шараға облыстың барлық этномәдени үйымдары қатысты.

Аймақ басшысы қала тұрғындары мен қонақтарын мерекемен құттықтап, «Әлем. ХХІ ғасыр» манифесінің мағынасын түсіндіріп өтті.

«Қазақстанда бейбтшілік пен келісімде әр түрлі ұлт өкілдері өмір сүріп жатыр. Халық бірлігі – қазақстандықтардың басты жетістігі, тәуелсіз еліміздің тарихы – барлық этнос достығының үлесі. Этникаралық толеранттылық пен қоғамдық келісімді сақтау Қазақстан тәуелсіздігінің басты жетістігініің бірі», - деді әкім.