Астанада Қазақстан халқының бірлігі күніне орай 22 этнос ұлттық тағамдарын таныстырды (ФОТО)

1 Мамыр, 2016 12:37

Алаңда үлкен шатыр тігіліп, 22 этностың ұлттық тағамдары қойылған. Әрі қала тұрғындары мен қонақтары осы жерге келіп әр ұлттың салт-дәстүрімен және тарихымен таныса алады.

Ал Астана қаласы ҚХА хатшылығының меңгерушісі Ләззат Құсайынованың айтуынша, биылғы мереке жаңа форматта тойлануда.

«Қазақстан халқының бірлігі күні мерекесі жаңа форматта мерекеленіп жатыр. Үлкен шатыр тігіліп, 50 метрлік үстел ұйымдастырылды. Онда 22 этномәдени бірлестіктің ұлттық тағамдары қойылған. Әрі осында әрбір этнос үйінің эскизін орнаттық. Осы жерде олар өз өнерлерін, ұлттық тағамдарын, қолөнер бұйымдарын көрсетеді. Биыл осы форматты таңдап алдық. Бұл шаралар Астана тұрғындары мен қонақтарына арналып отыр», - деді Л.Құсайынова.

Айта кетейік, «Қазақ елі» алаңында ұйымдастырылып жатқан концерттік бағдарламада 450-ден астам әртіс пен шығармашылық топтар өз өнерін паш етеді. Әрі 300-ден астам этномәдени бірлестіктің өкілдері аталмыш іс-шараға қатыспақ.

Барлық жаңалықтар