Бүгін – Қазақстан халқының бірлігі күні (ВИДЕО)

Естерінізге сала кетейік, ҚР Президенті Нұрсұлтан Назарбаев 1 мамырды Қазақстан халқының бірлігі күні деп жариялау туралы бұйрыққа  1995 жылдың 18 қазанында қол қойды. Алғаш рет бұл мереке 20 жыл бұрын 1996 жылы 1 мамырда тойланды.

Тәуелсіздіктің бірінші күнінен бастап Ұлт көшбасшысы жерімізде тұрақтылық пен бейбітшіліктің сақталуына мән берді. Осыған орай Қазақстан барлық әлемге бірлік пен бірігейліктің мысалы болды. Қазақстан аумағында 130-дан астам ұлт өкілдері өмір сүруде. Республикамыздың барлық табысында бірегей қоғамдық институттың үлесі бар – ол Қазақстан халқы Ассамблеясы, ал мемлекетпен мәдениетті дамыту мен сақтау үшін барлық жағдайлар жасалуда.

Қазақстан халқының бірлігі күнін атап өту аясында барлық елде түрлі мерекелік шаралар жоспарланған. Ол – концерттер, халықтық серуен, спектакльдер, көрмелер және т.б.

Астанада Қазақстан халқының бірлігі күнін атап өту аясында «Қазақ елі» монументінің алаңында мерекелік шара өткізу жоспарланған. Мерекелік концертте 450-ден астам әртістер мен шығармашылық ұжым қатысады. Этно-мәдени бірлестіктердің 300-ден астам өкілдері ұлттық мерекелерге қатысады. Негізгі сахнада Астана қаласының шығармашылық ұжымдарының қатысуымен үлкен концерттік бағдарлама ұсынылатын болады.

Ұлттық серуен сондай-ақ «Қазақ елі» монументінің алаңында да болады және ол жерде мерекелік сатылым, түрлі спорт бойынша жарыстар өткізілетін болады. Меркелік мәдени және спорттық шаралар бұл күні «Астана-Бәйтерек» монументінің жанында өткізіледі және «Студенческий» саябағында.

Бейне: Азамат Әлиев