В.Ершов: КО елдерінің экономикалық және саяси интеграциясы сот өндірісі мен кадр дайындау жұмыстарын біркелкі қылуды талап етеді

«Қазақстан, Ресей және Беларусьтің экономикалық және саяси интеграциясы сот құрылысы, сот өндірісі мен кадр дайындау жұмыстарын біркелкі қылуды талап етеді. Осы бағытта Қазақстан маңызды және сәтті қадамдарды бастады. Бәрінен бұрын Қазақстанда азаматтардың құқықтық қызығушылықтары мен құқықтарын қорғауға бағытталған біркелкі судьялық тәжірибені құруға мүмкіндік беретін біріңғай және өте тиімді сот жүйесі қалыптасқан. Қазақстанда бүгінгі таңда бірінші инстанция деңгейіндегі мамандандырылған судьяларды құру туралы мәселе күн тәртібінде тұр. Мұндай сот құрылысы жүйесі екі маңызды міндеттмені шешуге жол ашады», - деді В.Ершов.

Оның айтуынша, бірінші тапсырманың қызметіне қоғамдық қатынастарды бірыңғай құқықтық реттеуді орнату, біркелкі сот тәжірибесін дайындау кіреді.

Ершов айтқан екінші міндеттеме – бірінші инстанциялы мамандандырылған соттарда жекелеген және әр түрлі судьялық жанжалдарды жоғары кәсібилікпен шешу мәселесі.

«Сот жүйесі дәстүрлі түрде оңтайлы сот құрылысын талап етеді. Қазақстанда үш соттық инстанция сәтті қызмет етіп келе жатыр: бірінші, апелляциялық және кассациялық. Қазақстанның Жоғарғы соты Қазақстан Конституциясына сай келетін бірыңғай сот тәжірибесін дайындау жұмыстарын жасап жатыр», - деді Ресей сот академиясының ректоры.

В.Ершовтың пікірінше, сот жүйесінде кадрлардың рөлі өте үлкен. Атап айтар болсақ, алғашқы мамандандыру, кейінгі кәсіби қайта даярлау және міндетті біліктілік арттыруды бақылау жұмыстарын атап өтті. Ресейлік маманның айтуынша, Ресейде бұл жұмыстарды сот академиясы орындайтын көрінеді.

«Ресей сот академиясы – арнайы мамандандырылған және ғылыми мекеме. Академия тұжырымдамасы судьяларды дайындау жұмыстары барынша ертерек басталуы керек дегенге саяды. Сонымен қатар, мамандану, міндеттелу, ғылыми негізделу мен барлық қызметтік ғұмырында жалғастық табу да маңызды. Аталмыш тұжырымдама негізінде академия құрылымы дайындалды. Олар – колледж, ЖОО, аспирантура, докторантура, кәсіби қайта даярлау факультеттері мен судьялардың, сот аппараты мен сот депатраменті қызметкерлерінің біліктілігін арттыру. Қазіргі таңда сот академиясының арнайы мамандандырылған мектебін құрып жатырмыз», - деді ресейлік маман.