ҮИИД МБ-2 инвестициялық қажеттілігі 52 млрд доллар деңгейінде жоспарлануда

21 Қараша, 2013 13:46

Үдемелі индустриалды-инновациялық даму мемлекеттік бағдарламасының 2015-2020 жылдарға арналған екінші бесжылдығының жалпы инвестициясы 52 млрд доллардың деңгейінде жоспарлануда. ҮИИД бағдарламасының жалпы қаржыландырылуы 8 трлн теңгеге тең, деп «Бәйтерек» АҚ басқарма басшысы Алина Алдамберген «Қазақстанның өндірістік саясаты» атты халлықаралық ғылыми-тәжірибелік конференцияда айтты.

«ҮИИД МБ инвестициялық қажеттілігі 52 млрд долларды құрап отыр, оның 38-44 млрд доллары қаржыландырылған жобалардың үлесінен келген. Жетекші секторларды қаржыландыру 8-14 млрд доллар арасында болуы мүмкін», - деді А. Алдамбергенов.

Мембағдарламаның қаржыландыру көзіне тоқтасақ, холдинг сарапшылары ресурстар тапшылығының 55 пайызы жеке меншік секторлардан келуі тиіс. Ал 27 пайызы шетел көздерінен болса, 18 пайызы мемлекеттік қаржыдан.

«Біздің есептеуімізше ҮИИД бағдарламасы 8 трлн бағаланып отыр. Мемлекеттік қаржы көзінен 1,5 трлн теңге қаражат күтіліп отыр», - деді холдинг жетекшісінің орынбасары.

Жалпы, «Бәйтерек» холдингі жетекшісінің орынбасары атап өткендей, 2015-2019 жылдарға арналған ҮИИД МБ-2 жүзеге асуының барысында инвестициялық ресурстарды дамыту мен қаржылық секторды тұрақтандыру үрдісі жүзеге асырылады.

Қаржы холдингінің сарапшыларының айтуынша, екінші бесжылдықтың жүзеге асырылуында ҚР барлық экономикалық қажеттіліктерін қамтамасыз еткен жөн. Ол 430 млрд долларға жоспарланып отыр. Сондай-ақ, аталмыш бағдарламаның толық жүзеге асуы инфрақұрылымды жүзеге асыруды қамтамасыз етпек.

«Қазақстанның өндірістік саясаты» халықаралық ғылыми-тәжірибелік конференция жұмысына мемлекеттік орган жетекшілері мен өндіріс компанияларының өкілдері сарапшылар ұйымының мамандары қатысты. Конференция аясында «Өнімділік 2020» бағдарламасына байланысты дөңгелек үстел ұйымдастырылады.

Барлық жаңалықтар