ЕО пен Орта Азияның құқықтың үстемдік құруы туралы министрлік кездесуді Астанада өткізуді ұсынды
«Кездесу барысында Сыртқы істер министрлері Еуроодақтың Орта Азиядағы Стратегиясы аясындағы өңіраралық әріптестік мәселелерін талқылап, бұдан арғы қарым-қатынас бағытының болашағы нақтыланды», - делінген хабарламада.
Тараптар Еуроодақтың Орта Азия өңіріндегі құқықтық-сот жүйесінің реформасы, білім беру сапасы мен талаптарын көтеру, қоршаған ортаны қорғауды жаңсарту, инвестиция ағымы мен өзара сауда айналымы көлемін арттыруға негізделген маңызды бастамаларын қарады.
Шарада Қазақстан Еуроодақтың өңірлік Стратегиясы аясында іске асып жатқан шараларға белсенді қатысып жатқаны айтылды. Атап айтар болсақ, шараға қатысушылардың барлығы 2014 жылы Астанада Еуроодақтың Орта Азияда құқықтық үстемдік құруы туралы бастамасы бойынша кезекті кездесуді өткізу ұсынысын бір ауыздан мақұлдады.
Заңның үстемдік құруы туралы пікірталаста терроризм, жемқорлық және ұйымдасқан қылмыспен күрес саласындағы құқықтық әріптестік мәселелері айтылды. Осыған орай Ерлан Ыдырысов Қазақстанның қылмыстық өндіріс пен жемқорлықпен күрес саласындағы 6 еуропалық конвенцияға енуі және Қазақстанның осы бір бастамасын Еуропа бірлігі құрылымын қолдауға шақыруын атап өтті.
Сонымен қатар, Орта Азияны қауіпсіздікпен қамтамасыз ету мәселесі, соның ішінде Ауғанстаннан әскер шығару қарсаңындағы шаралар мен жаһандық қауіп-қатер мен кедейшілікпен күрес, Орта Азия елдерінің өзара әріптестігі мәселелері талқыланды.
