2020 жылға қарай «Қорғас – Шығыс қақпасы» АЭА тауар айналымы 5 млн тоннаны құрайды
28 Сәуір, 2016 17:12
2020 жылға таман «Қорғас – Шығыс қақпасы» АЭА тауар айналымы 5 млн тоннаны құрайды, деді «Қазақстан темір жолы» ҰК» АҚ вице-президенті Берік Камалиев Парламент Мәжілісіндегі комитет отырысында.
«Елдің шығысында көліктік – логистикалық хабын құру мақсатында «Қорғас – Шығыс қақпасы» АЭА жобасы жүзеге асырылуда. Жобаны жүзеге асыру мақсатында құрғақ порт құрылды, жобаны жүзеге асыру Қазақстанның шығыс қақпасына Еуразиялық континентке жүк тасымалдаудың орталығына айналуға мүмкіндік береді», - деді ол.
2020 жылға таман «Қорғас – Шығыс қақпасы» АЭА арқылы 5 млн тонна жүк тасымалданады».
Айта кетейік, «Қорғас-Шығыс қақпасы» АЭА Қытай мен Алматы облысының Панфилов ауданы шекарасында орналасқан, 4 мың га жерді алып жатыр. Экономикалық аймақ Қытай, Шығыс Азия, ТМД елдері мен Еуропа, Парсы шығанағы және өзге бағыттардың қиылысында тұр.
Индира Кауметова
