ҚР Президенті ЭКСПО-ның алдында такси қызметін ретке келтіруді тапсырды
27 Сәуір, 2016 18:41
Мемлекет басшысы ЭКСПО-2017 көрмесінің алдында такси қызметін ретке келтіруді тапсырды, көрмені ұйымдастырушылар кеңсесінің базасында өткен жиналыс барысында.
«Әлі күнге дейін заманауи таси қызметі жоқ. «Экотаксиді» алмағанда барлық таксилер ала-құла, таксометрсіз, сыртқы түрлерінің стандарты, бірыңғай киім формасы жоқ. Мұны түзетеміз бе?», - деп сұрады Елбасы қала әкімі Әділбек Жақсыбековтен.
Өз кезегінде қала басшысы бұл мәселемен айналысып жатқандарын, бірақ елімізде такси қызметі реттелмейтіндігін атап өтті.
«Қазіргі уақытта біз Үкіметпен осы мәселені қарастырудамыз. Реттелетін 300 такси ғана бар, ал бізге шамамен 3 мың керек. Біз бұл мәселені шешеміз, ЭКСПО-ға қарай түзететін боламыз», - деді елорда басшысы.
Ботагоз Айтжанова
