Астанада су ресуртарын басқару бағдарламасының жобасын талқылайды
21 Қараша, 2013 09:39
Бүгін Астанада «Жасыл технологиялар: трансферт және енгізу» семинар-тренингі ашылды. Ол Қоршаған орта және су ресурстары министрлігінің қарамағындағы кәсіпкерлік жетекшілеріне ұйымдастырылды, деп ведомствоның баспасөз қызметі хабарлады.
« Семинар Қазақстанның «жасыл» экономикаға көшу концепциясын қолдау мақсатында ұйымдастырылып отыр», - делінген хабарламада.
Жиында су ресурстарын басқару бағдарламасының құрылымы талқыланады. Елдің ластанған су ресурстарын мейлінше тазарту, кәріз суларының жұмысы, суды тиімді пайдалану сынды сұрақтар алға тартылады.
Сондай-ақ, семинар аясында дөңгелек үстел өтеді, онда «жасыл» технологиялардың енгізілуі мен су ресурстарын тиімді пайдалану сынды сұрақтар тілге тиек етіледі.
Айта кетерлігі, семинар жұмысына қазақстандық сарапшылар ғана емес, Латвия республикасының компаниялары мен Ресей елінің мамандары қатысады.
