Н.Назарбаев пен Х.М. Гарсия-Маргальо Қазақстан-Испания ынтымақтастығының негізгі бағыттарын талқылады
25 Сәуір, 2016 17:41
Мемлекет басшысы Испания Корольдігінің Сыртқы істер министрі Хосе Мануэль Гарсия-Маргальоны қабылдады, деп хабарлады Ақорданың баспасөз қызметі.
Кездесу барысында Қазақстан-Испания ынтымақтастығының негізгі бағыттары талқыланды, сондай-ақ екі елдің бірлескен жұмысының перспективалы салалары қарастырылды.
Нұрсұлтан Назарбаев екі мемлекеттің өзара іс-қимылын нығайтуға оң ықпал етіп отырған Қазақстан мен Испанияның стратегиялық серіктестігіне назар аударды.
Мемлекет басшысы теміржол машиналарын жасау, мұнай-газ, коммуникация және құрылыс салаларында бірқатар бірлескен жобалар бар екенін, олар ынтымақтастық аясын кеңейте түсуге елеулі негіз болып отырғанын атап өтті.
