• Басты
  • «Бәйтерек» холдингі Қостанай облысында 160 млрд теңге көлемінде бірқатар инвестициялық жобалар жүзеге асырды
25 Сәуір, 2016 17:58

«Бәйтерек» холдингі Қостанай облысында 160 млрд теңге көлемінде бірқатар инвестициялық жобалар жүзеге асырды

«Бәйтерек» холдингінің төрағасы 25 сәуірде жұмыс сапарымен Қостанай облысына барды. Сапар барысында ол Қостанай облысы әкімдігінің «Бәйтерек» холдингімен өзара іс-қимыл мәселелері жөніндегі жиналыс жұмысына қатысты, деп хабарлады холдингтің баспасөз қызметі.
«Бәйтерек» холдингі Қостанай облысында   160 млрд теңге көлемінде бірқатар инвестициялық жобалар жүзеге асырды

«Бүгінде облыста холдингтің қолдауымен жалпы құны 160,4 млрд. теңгеге 5 инвестициялық жоба мен 4 экспорттық операция іске асырылды. Осы инвестициялық жобалар шеңберінде 1432 тұрақты жұмыс орны құрылды. Облыста холдингтің қолдауымен іске асырылған ең ірі жобалардың бірі Қостанайдағы 131 млн АҚШ доллары сомасына («ҚДБ» АҚ-ның қарыз сомасы – 90 млн. АҚШ доллары) өнімділігі жылына 450 мың тонна ұсақ сұрыпты болат шығаратын кешеннің құрылысы болып табылады», - деді                   Қ. Бишімбаев.

«Сондай-ақ, Холдинг облыстағы инновациялық жобаларға қолдау көрсетеді. Айталық, бүгінде Технологиялық даму жөніндегі ұлттық агенттік 170 млн. теңгеден астам сомаға инновациялық грант беру туралы 3 шарт жасасты», - деп атап өтті ол.

Отырыс барысында «Бәйтерек» холдингінің басшысы Қуандық Бишімбаев пен Қостанай облысының әкімі Архимед Мұхамбетов ынтымақтастық туралы меморандумға қол қойды. Құжатқа сәйкес тараптардың өзара іс-қимылы Өңірлерді дамытудың 2020 жылға дейінгі бағдарламасына қатысушылардың тұрғын үй проблемаларын шешуге және тұрғын үй қолжетімділігін қамтамасыз етуге бағытталатын болады.                Сондай-ақ, Ынтымақтастық туралы меморандумға құрылыс компанияларының басшылары мен холдингтің еншілес ұйымы – «Бәйтерек девелопмент» АҚ басқарма төрағасы Бақыт Жақсыбаев қол қойды. Бұдан басқа, «Қазақстанның тұрғын үй құрылыс жинақ банкі» АҚ басқарма төрағасы Қостанай облысының әкімі Архимед Мұхамбетовпен  ынтымақтастық туралы уағдаласып, тиісті меморандум жасасты.

«Холдинг өңірде тұрғын үй салу бойынша қарқынды жұмыс жасауда. Өңірлерді дамытудың 2020 жылға дейінгі бағдарламасы іске асырылғаннан бері тұрғын үй-құрылыс жинақтары арқылы жалпы құны 6 млрд. теңгеге жалпы алаңы 68 мың шаршы метр 1 046 пәтерлік 13 тұрғын үй пайдалануға тапсырылды. Жас отбасылар үшін облыста жалпы алаңы 21,3 мың шаршы метр 352 пәтерден тұратын 7 тұрғын үй пайдалануға енгізілді», - деді құжаттарға қол қоюды түсіндірген Қ. Бишімбаев.

Оның айтуы бойынша, холдингтің еншілес ұйымы – «Қазақстандық ипотекалық компания» АҚ – кейіннен үйлерді әкімдікте тізімде тұрған азаматтарға жалға беру үшін 1,3 млрд. теңге сомасына жалпы ауданы                  8,3 мың шаршы метр 126 пәтерді сатып алды.

«2016 жылы Инфрақұрылымды дамытудың 2015 – 2019 жылдарға арналған «Нұрлы жол» мемлекеттік бағдарламасын іске асыру шеңберінде біздің еншілес құрылым – «Бәйтерек девелопмент» АҚ Қостанай облысында жалпы құны 7 млрд. теңгеге 49 мың шыршы метр тұрғын үй салуды жоспарлап отыр», - деп атап өтті Қ. Бишімбаев.

Қостанайда «Бәйтерек» холдингінің басшысы «Әуежай» шағын ауданындағы көппәтерлі тұрғын үйлердің құрылыс алаңына («Бәйтерек девелопмент» АҚ-ның бағыты бойынша тұрғын үй) барды, «Арман» ТК құрылысының барысымен («Қазақстандық ипотекалық компания» АҚ-ның бағыты бойынша тұрғын үй) танысты. Сондай-ақ, «Қазақстанның тұрғын үй құрылыс жинақ банкі» АҚ салымшыларына кілт тапсыру салтанатына қатысты.

Осы сапар барысында «Даму» кәсіпкерлікті дамыту қоры» АҚ басқарма төрағасы Қаныш Тулеушин және Қостанай облысының әкімі Архимед Мұхамбетов ынтымақтастық туралы меморандум жасасты.

«ШОБ-ты дамытудың мемлекеттік бағдарламалары шеңберінде                      2008 жылдан бастап холдингтің еншілес ұйымы – «Даму» қоры екінші деңгейдегі банктер арқылы, сондай-ақ Ұлттық қор қаражаты есебінен                 90,97 млрд. теңге жалпы сомасына 1240 жобаны қаржыландырды. «Бизнестің жол картасы – 2020» бағдарламасы аясында мөлшерлемелерді субсидиялау мен кредиттерге кепілдік беру жүйесі бойынша 98,5 млрд. теңге жалпы сомасына 656 жобаға қолдау көрсетті. Нәтижесінде 27 145 жұмыс орны сақталып, 4 000-нан астам жұмыс орны құрылды. Салық түсімдері 20 млрд. теңгені құрады», - деп мәлімдеді Қ. Бишімбаев.

Сапар барысында «Бәйтерек» холдингінің төрағасы «СарыарқаАвтоПром» ЖШС-ның өндірістік алаңына барып қайтты.   

«Қостанай облысы холдингтің қолдауымен еліміздегі автомобиль өнеркәсібінің ең басты орталықтардың біріне айналды. Мысалы, холдинг «СарыарқаАвтоПром» ЖШС-ның өндірістік қуатында Toyota Fortuner автомобильдерін құрастыру жөніндегі жобаның қаржыландыруын қамтамасыз етті (жылына 3000 автомобильге дейін, жоба құны – 100 млн. АҚШ доллары. «ҚДБ» АҚ-ның қарыз сомасы – 45 млн. АҚШ доллары)», - деді ол.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды