Қазақстанда Мемлекет басшысының өмірі туралы бесінші фильм түсірілді

25 Сәуір, 2016 16:09

Бүгін ОКҚ-де өткен брифингте Мемлекет басшысының өмірі туралы бесінші фильмнің түсірілгені жөнінде айтылды. Онда Нұрсұлтан Назарбаевтың Қазақстан Президенті болып қалыптасқаны көрсетіледі және фильмде 1984 жылмен 1991 жылдар аралығы қамтылған.

Жаңа фильм Нұрсұлтан Назарбаевтың өмірінің ең қызықты кезеңдерін қамтиды. 1984 жылы оның Қазақ ССР Министрлер Кеңесінің төрағалығына тағайындалуынан бастап, 1991-ші жылы тәуелсіз Қазақстанның президенті болғанына дейінгі аралық баяндалады. Бас кейіпкердің рөлін актер Берік Айтжанов сомдады.

«Шынымен фильм керемет шыққан. Бұл фильмнің экрандалуының арқасында еліміздің тарихына басқаша қарайсың. Фильм тек біздің елге ғана емес, әлемдік мәселелерге қатысты қаншама үлкен оқиғаларды қамтиды. Мемлекет басшысының әрбір қадамына бір жеке фильм түсіруге болады. Сергей Снежкиннің шеберлігінің нәтижесінде біз үш сағатқа еліміздің үлкен тарихын сыйдырдық»,-деді ҚР Мәдениет және спорт министрі Арыстанбек Мұхамедиұлы ОКҚ-де өткен баспасөз конференциясында.

Оның айтуынша, фильмді дайындап шығаруға Қазақстан мен Ресейдің мықты кинематографтары атсалысқан. Түсірілім Қазақстан мен Ресейде 4 айға жуық уақытта жасалған.

Cурет Бауыржана Жуасбаевтікі

Барлық жаңалықтар