Г.Исаева: Отандық өндірушілер халықты негізгі азық-түлікпен 95 пайызға қамтып отыр
25 Сәуір, 2016 14:49
Отандық өндірушілер халықты негізгі азық-түлікпен 95 пайызға қамтып отыр, деді «Халық маркасы» қазақстандық тауарлардың сауда-көрмелік павильонына баспасөз туры барысында Ауыл шаруашылығының вице-министрі Гүлмира Исаева.
«Негізгі азық-түлік бойынша біз 95-96 пайызды қамтып отырмыз», - деді Г.Исаева.
Оның айтуынша, бірқатар өнімдер бойынша импорттық қажеттілік байқалуда.
«Қазір бақшаларды дамыту бойынша жұмыс жүргізілуде. Қазақстанда алма өндірісін көбейту қарастырылуда. Қант бойынша субсидиялап жатырмыз. Ауыл шаруашылығы өндірісшілері үшін субсидиялайтын бағдарлама бар. Бұл ірімшік пен қаймақ бойынша жүзеге асырылуда. Балық өніміне қатысты бізде импорт қажеттілік бар. Қазіргі таңда аквамәдениет бойынша бас жоспарды жүзеге асыруға кірістік», - деді ол.
