Ақмола облысында 3 айда 85,9 млрд. теңгенің өнеркәсіптік өнімі шығарылды

25 Сәуір, 2016 13:09

2016-шы жылдың бірінші тоқсанында Ақмола облысының өндірістік кәсіпорындарынан 85,9 млрд. теңгенің өнімі шығарылған, деді облыстық экономика және бюджетті жоспарлау басқармасының басшысы Байыржан Малғаждаров мәжіліс барысында. Бұл туралы әкімдік хабарлап отыр.

Ол, өсім түсті меллургия, машина жасау, азық-түлік пен сусындар өндірісінде, резина және пластмасса бұйымдарын өндіретін барлық салаларда да бар, деп атап өтті.

Аймақта жоғары көрсеткіш ауыл шаруашылық саласында. Айталық, физикалық көлем индексі 106,6%-ды құрап отыр. Бұл республика бойынша ең мықты көрсеткіш болып есептеледі.

«Аймақта мал басының өскені байқалады. Ірі қара 3,1%-ға, қой мен ешкі 3,1%, жылқы 6,2%, құс 10,7%-ға өскен. Сонымен қатар, ет 11,2 пайызға, сүт 3,4, жұмыртқа 18,3%-ға артқан. Астана қаласының маңында азық-түлік белдеуін құру аясында құны 8,9 млрд. теңге болатын 9 жоба жүзеге асуда»,-деп атап өтті Б.Малғаждаров.

Сондай-ақ, аймақтағы инвестиция үлесі 104,8 пайызды құраған. Бұл да республика бойынша алдыңғы қатарлы көрсеткіш ретінде төртінші орынды иеленеді.

Бұдан бөлек, Ақмола облысы шағын және орта бизнесі субъектілерінің санын арттыруда үлкен жұмыс атқарып келеді.