Көкшетауда Қазақстан халқының Бірлігі күніне орай веложарыс ұйымдастырылды

25 Сәуір, 2016 08:59

Көкшетауда ҚР Тәуелсіздігіне 25-жыл толуына орай және Қазақстан халқының бірлігі күні құрметіне веложарыс ұйымдастырылды, деп хабарлайды Ақмола облыстық ішкі саясат басқармасы жанындағы «Ақмола Медиа Орталығы».

Қалалық веложарыс облыстық білім басқармасының жанындағы жасөспірімдер туризмі, экология және өлкетану орталығының бастамасымен ұйымдастырылған.

Ұйымдастырушылардың ақпаратынша, көкшетаулықтар ұлтаралық татулықты және бірі-бірлерін сыйлауды нығайтуға үлестерін қоспақ. Қазақчстан халқының ең басты байлығы – ол бірлігі мен келісімі дейді шараны ұйымдачтырушылар.

Веложарысқа қала белсенділері, мемлекеттік ұйым өкілдері, кімнің қатысқысы келеді, соның бәрі қатысты. Олар 4 шақырым қашықтыққа жарысты.

8-ден 70 жасқа дейінгі аралықтағы 100-ден астам қатысушыны патрульдік полиция автокөлігі Көкшетау көшесімен бастап жүрді. Олар «Тәуелсіздік» бас алаңына келіп тоқтады.

Ұйымдастырушылардың айтуынша, аталмыш іс-шараны Көкшетауда жыл сайын өткізіп тұру жоспарлануда. Жыл өткен сайын велосипед тебушілер санының артып келе жатқаны байқалады.

Барлық жаңалықтар